الجلسة يبيلها
لعبة

وش سالفتها؟

1. 1كلكم توصلكم نفس الكلمة السرية... إلا واحد.
2. 2الإمبوستر ما يدري وش الكلمة، وعليه يمثل إنه عارف.
3. 3تسألون بعض وتحاولون تصيدونه من أجوبته.
4. 4بعدها تصوتون: مين الإمبوستر؟ لو طلعتوه تفوزون، ولو عرف الكلمة يفوز لحاله.

يهمك تعرف

• كل لاعب من جواله، ما تمررون الجوال لبعض.
• كل فئة فيها أكثر من 30 كلمة، يعني تقدرون تلعبونها أكثر من مرة بدون تكرار.
• لو صرتوا أكثر من 6 لاعبين يصير فيه إمبوسترين باللعبة ويزيد الحماس.

وش سالفتها؟

1. 1تنزل حروف على الشاشة ومعها فئة، مثلاً: حيوانات.
2. 2اخطف حرف قبل غيرك «ح» وقول كلمة من الفئة بصوت عالي «حمار!».
3. 3الباقين يقدرون يعترضون ويصوتون لو كانت كلمتك هبدة.
4. 4اجمع حروف، اضغط «إعلان» وكوّن كلمة 4 حروف وفوق وتفوز.

يهمك تعرف

• كل لاعب يلعب لنفسه من جواله، ما تحتاجون حكم.
• لما تضغط على حرف، ضروري تقول الكلمة بصوت عالي بعدين تضغط مرة ثانية عشان ما تضيع فرصتك.
• اللي يهبد أو يحجز حرف بدون ما يقول شي يتجمد 10 ثواني.
• لاعبين اثنين يلعبون مجاناً. من ثلاثة وفوق تحتاج ليلة لعب وحدة للغرفة كلها.

وش سالفتها؟

1. 1فريقين، ويبدأ دور الفريق الأول.
2. 2تطلع صورة، لو عرفوها يضغط الحكم «صحيح» وينتقل الدور للفريق الثاني.
3. 3لو ما عرفوها يضغط «تخطي» وينخصم 3 ثواني من عدادهم.
4. 4الفريق اللي يخلص عداده أول يخسر.

يهمك تعرف

• تحتاج شخص ما يلعب يدير اللعبة.
• جوال المدير ينشبك على شاشة كبيرة، والحكم يدخل من جوال ثاني.
• ممتازة لو عددكم فردي، تتناوبون على التحكيم.

وش سالفتها؟

1. 1لعبة جماعية كل واحد يلعب من جواله، وتلعبون 3 ألعاب مصغرة ورا بعض.
2. 2كل لعبة مختلفة عن اللي قبلها، والنقاط تتجمع وأكثر واحد مجمع نقاط يفوز.

الفقرات

1. صوتوا على بعض
   أسئلة عن القروب وتصوتون على بعض، وأكثر ناس يتفقون بالإجابة ياخذون النقاط.
2. الرسم
   كل لاعب يطلع له شي ويرسمه، والباقين لازم يعرفون الرسمة.
3. مواقف يمكن تصير
   كل لاعب يكتب موقف أو يختار من المقترحة، والباقين يجاوبون عليه ويصوتون على أحلى إجابة.